နိုင်ငံတော်သီချင်းအသစ်တစ်ပုဒ်
တကယ်တမ်းကျ ငါက နိုင်ငံတော်သီချင်းဆိုတာကို ဘယ်တုန်းကမှ ဂရုစိုက်ခဲ့တာ မဟုတ်ဘူး
မင်းလည်း နိုင်ငံတော်သီချင်းအကြောင်းကို တွေးနေရင် အဲ့ဒါက သီချင်းကောင်းတစ်ပုဒ်မဟုတ်ဘူး
ငါတို့အများစုအတွက် ဒုံးကျည်က မီးရှူးတွေလိုပဲ အရမ်းမြင့်လွန်းနေတယ်
ပြီးတော့ အဲ့ဒီမှာ ဗုံးတွေရှိတယ်
(အမြဲတမ်း အမြဲတမ်း ၊ အဲ့ဒီမှာ စစ်ပွဲနဲ့ ဗုံးတွေပဲရှိတယ်)
တစ်ခါက ငါ အဲ့ဒီနိုင်ငံတော်သီချင်းကို အထက်တန်းကျောင်းက တီးဝိုင်းမှာ ဆိုခဲ့ပြီးတာတောင်မှ အိမ်ပြန်တဲ့အထိ ဆိုနေခဲ့တုန်းပဲ
တကယ်တမ်းကျ အဲ့ဒီသီချင်းက ဘာကိုမှဆိုလိုတာမဟုတ်ဘူး
လူငယ်တွေ မရပ်မနား မတော်လှန်ခင် တခုခုမစခင် လယ်ကွင်းထဲ ခေါ်လိုက်တာပဲ
ဒီသီချင်းရဲ့ ဘယ်အပိုဒ်ကို ငါတို့တွေ လုံးဝမဆိုတာလဲ
သီချင်းတတိယပိုဒ်မှာ ရေးထားတာက "ဘယ်ဒုက္ခသည်တွေမှ ကျွန်တွေကို ပိုက်ဆံချေးပြီး မကယ်နိုင်ဘူး" ဆိုတာမလား
တကယ်တမ်း ဖြစ်နိုင်တာက
ဒီနိုင်ငံရဲ့ သီချင်းတိုင်းမှာ မဆိုကြတဲ့ တတိယအပိုဒ် တပိုဒ်စီရှိတယ်
ငါတို့အားလုံး နိုင်မယ်လို့ မျှော်လင့်ရင်း ငါတို့ မျက်လုံးမှိတ်ပြီး ဒီသီချင်းရဲ့ အမြင့်သံတွေဆိုလိုက်တိုင်း အောက်ခြေကို ဘီယာတွေ စီးဆင်းသွားတယ်
ငါတို့ရဲ့အောက်ခြေမှာ ဒုက္ခပေးမယ့်မြွေဆိုးတချို့လည်း ရှိနေတယ်
ငါ့ကို တွေဝေအောင် လာမလုပ်နဲ့
လေထဲမှာ ဘယ်လို အလံတလူလူလွင့်နေသလဲဆိုပြီးငါလုပ်ကြည့်တယ်
အဲ့ဒါက ရေလိုပဲ
အဲ့ဒါက အခြေခံပဲ
ဒူးတွေဆီထိရောက်အောင် ဦးညွှတ်လိုက်တဲ့အချိန်ကတော့ အကောင်းဆုံးပဲ
အရာအားလုံးကိုဆုံးရှုံးသွားတဲ့ လူတစ်ယောက်ရဲ့လက်ကို ဆုပ်ကိုင်ထားပါ
နိုင်ငံတော်သီချင်းဟာ လက်နက်မဟုတ်တော့တဲ့အခါ ၊ တဖျတ်ဖျတ်လင်းနေတဲ့အခါ ၊ ဒီသီချင်းကို အတိအကျခေါက်ထားပြီး လိုအပ်တဲ့အချိန်အထိ မင်းသိမ်းထားနိုင်တယ်
ဒီသီချင်းကို နောက်ထပ် မင်းပြန်ပြီးချစ်လာနိုင်တဲ့အထိပေါ့
မင်းပါးစပ်ထဲ အဲ့ဒီသီချင်းက စွဲနေတဲ့အထိပေါ့
သက်တမ်းမဲ့သစ်ပင်တွေကတောင်မှ ဒီသီချင်းရဲ့ နုတ်တွေကို သီဆိုကြတဲ့အထိ
မြက်ခင်းတိုလွင်ပြင် ၊ အနီရောင်မြစ်တောင်ကြားလမ်း အမျိုးသားဥယျာဥ် * ၊ ဒီကုန်းမြေကို အတတ်နိုင်ဆုံးအဆိပ်မရှိအောင်ထားခဲ့ကြ
ဒီသီချင်းက ငါတို့ရဲ့မွေးရာပါအခွင့်အရေးပဲ
ဒီသီချင်းကို ဆက်ဆိုဖို့ခက်ခဲနေတာတောင်မှ ဒီသီချင်းကိုပဲ တိတ်တဆိတ်သီဆိုကြ
နိုင်ငံတော်သီချင်းသံက တစုံတယောက်ရဲ့ ကြမ်းတမ်းတဲ့လက်ချောင်းတွေနဲ့ နောက်တစ်ယောက်ကို ရစ်ပတ်တာ
နိုင်ငံတော်သီချင်းသံက အဆုံးမရှိတဲ့ဂူတစ်လုံးထဲက ပြိုင်ပွဲတစ်ခုလိုပဲ
နိုင်ငံတော်သီချင်းက ပြောတယ် ငါ့ရဲ့အရိုးက မင်းအရိုးတွေ ၊ မင်းရဲ့အရိုးက ငါ့အရိုးတွေတဲ့
အဲ့ဒါ မလုံလောက်သေးဘူးလား
* Red River Gorge - အမေရိကန် ကင်န်တပ်ကီပြည်နယ်ရှိ အမျိုးသားဥယျာဥ်
Comments
Post a Comment