ဘယ်ဟာက ဘာအတွက် တိရစ္ဆာန်ရုံလဲ
တိရစ္ဆာန်ရုံဆိုတဲ့ စကားလုံးက တိရစ္ဆာန်ရုံအတွက် တိရစ္ဆာန်ရုံဖြစ်တယ်
ရေတံခွန်က ရေအတွက် တိရစ္ဆာန်ရုံဖြစ်တယ် သီချင်းက
အသံအတွက် တိရစ္ဆာန်ရုံဖြစ်တယ် ဟာမိုနီကာက
နီးလ်ယန်းရဲ့ အသက်ရှူထုတ်သံပြင်းပြင်းအတွက် တိရစ္ဆာန်ရုံဖြစ်တယ်
ယောနိက မွေးကင်းစ ကလေးအတွက် တိရစ္ဆာန်ရုံဖြစ်တယ်
ကလေးလေး၊ သမီးလေးက ယောနိအတွက် တိရစ္ဆာန်ရုံဖြစ်တယ်
နှင်းဆီပန်းက နှင်းဆီရနံ့အတွက် တိရစ္ဆာန်ရုံဖြစ်တယ်
နှင်းဆီရနံ့က နှင်းဆီပန်းရဲ့ လှောင်ချိုင့်ထဲမှာပဲ ထိန်းသိမ်းခံထားရ
တိရစ္ဆာန်ရုံအစောင့်က အဲ့ဒီပေါ် သွေးထွက်လက်စ တခုခုကို ပစ်ချလိုက်တယ်
အဲ့ဒီ သွေးထွက်နေတဲ့ တခုခုနဲ့ မလောက်တော့လို့ လမ်းလျှောက်တတ်ခါစ
ကလေးလေးတစ်ယောက်က နှင်းဆီပန်းရဲ့ လှောင်ချိုင့်ပေါ် ပြုတ်ကျသွားပြီး တကိုယ်လုံး အစားခံလိုက်ရတယ် သူ့နာမည်က
ရေးလ်ခီ စာရွက်တိုင်းမှာ သူ့နာမည်ရှိတယ်
ထင်းရှူးသေတ္တာအသေးလေးက အခု သူ့အတွက် တိရစ္ဆာန်ရုံဖြစ်သွားပြီ
စာရွက်တွေ အားလုံးထဲမှာ အဲ့ဒါကို ပြောကြတယ်
ပြီးလည်းပြီးရော ကလေးတွေအားလုံး အဲ့ဒီလိုပဲ အကုန် လိုက်လုပ်ကြ ခရမ်းရောင်ရနံ့တွေ အိပ်စက်ရာ
ဂူပေါက်ဝက ခရမ်းရောင် လှောင်ချိုင့်ပေါ်ကို ပြုတ်ကျသွားတယ် အဲ့ဒီလိုနဲ့
ကလေးတွေရဲ့ တခေါင်းလုံးကို ခြေမွလိုက်ကြတယ်
နီးလ်ယန်းက အဲ့ဒါတွေကို ထောပတ်ခွက်ထဲထည့်လိုက်ပြီးတဲ့နောက်
သူ့မျက်နှာက လုံးဝ ရက်စက်တဲ့အသွင်ပြောင်းသွားတယ်
တိရစ္ဆာန်ရုံထဲကို ဂီတနဲ့ ဆက်သွယ်ကြတယ်
တိရစ္ဆာန်ရုံကနေ အားလုံးလွတ်မြောက်ကြဖို့ တကမ္ဘာလုံး
ပုန်ကန်ကြတယ် ထောပတ်ခွက်တခုလုံးရဲ့ ရနံ့က
နီးလ်ယန်းရဲ့ မျက်နှာကို ပြောင်းလဲပစ်လိုက်တယ်
တွေ့သမျှ အိမ်မွေးတိရစ္ဆာန်တွေကို တိုက်ခိုက်ပစ်တယ်
အိပ်ရာထဲ အိပ်ပျော်နေတဲ့ ငါ့ကိုပါ လာတိုက်ခိုက်တယ်
ပြီးတော့ ပျော်စရာအဖြစ်နဲ့ အဆုံးသတ်သွားတဲ့ ငါ့ကဗျာတွေကိုပါ တိုက်ခိုက်လာတယ်
ငါ နီးလ်ယန်းကို ကဗျာထဲ ထည့်ကြည့်လို့ရမလား
သူ အဲ့ဒီမှာပဲ တသက်လုံး ထောင်ချောက်ထဲကျနေတော့မှာ
အဲ့ဒီ့အတွက်နဲ့ပဲ ငါ့အသံက အခု တိရစ္ဆာန်ရုံ ဖြစ်သွားပြီ
ပြီးတော့ အဲ့ဒီအထဲမှာပဲ ဖြတ်ဖို့ အဆင့်တွေ အများကြီး
အဲ့ဒီကနေ အရမ်းလွတ်မြောက်ချင်ပြီး ပူနွေးနေတဲ့
သွေးတွေကို ဆာလောင်လာပြီး အိမ်ကို ပြန်ချင်လာမယ်
ပြီးတော့ အနားယူဖို့လမ်းစကို ရှာမရတော့တဲ့ထိ ငါ
လမ်းလျှောက်တယ် ငါက တိရစ္ဆာန်ရုံတွေနဲ့ ဆန့်ကျင်ဘက် ဖြစ်သွားကြောင်း ပြောရတဲ့အထိ
တိရစ္ဆာန်ရုံက အရမ်းရက်စက်တာပဲ
အရာအားလုံးဆီကနေ ထွက်ပြီး တောနက်ထဲမှာပဲ နေကြည့်ရအောင်
သူ့ကိုယ်သူ နောက်တခါ ထပ်ဖမ်းကြည့်ပါစေ
အဲ့ဒါကိုပဲ လူသားတွေရဲ့ လက်နဲ့ တင်းကျပ်နေအောင် ရအောင် ဆုပ်ကိုင်ထား
ဒါပေမယ့် လက်က ကိုင်ဖို့အတွက်ကို တိရစ္ဆာန်ရုံဖြစ်နေတယ်
* Neil Young (နီးလ်ယန်း)= အမေရိကန် ကနေဒီယန် အဆိုတော် အမည်
Comments
Post a Comment