ဒဏ်ရာထွက်ပေါက်တွေလိုမျိုး ကိုယ်တိုင်ရေးပုံတူ
ခြေလှမ်းတိုင်းရဲ့ပဲ့တင်သံတွေအစား
မိုးထဲ ရေနစ်သွားတယ် လေရဲ့မလှုပ်ရှားနိုင်ပုံဟာ နာမည်တစ်ခုလိုပဲ
နစ်တော့မယ့် လှေတစ်စီးပေါ် ခုန်တက်သွားပြီး လဲ့မှို့ပင်အခေါက်ကနေ ကွဲထွက်လာပုံဟာ
ဖျက်စီးရင်း မေ့ဖို့ကြိုးစားတဲ့ သံမဏိမြို့တော်လို
အဲ့ဒီမြို့ဘေး လမ်းတလျှောက်က အရိုးတွေကို ကြိုးစားမေ့ဖို့လိုမယ် နောက် ဖြတ်သွားရင် ဒုက္ခသည်စခန်းက လူနာက ဆေးလိပ်သောက်ရင်း ဓမ္မသီချင်းကို တဝက်တပျက်ဆိုနေတယ်
ဓမ္မတေးဆိုနေတယ် သံချေးရောင်လို မည်းညစ်နေတဲ့ တဲတစ်လုံးထဲ အဘွားဆီက နောက်ဆုံးဖယောင်းတိုင်နဲ့ ငါတို့ကိုင်ထားတဲ့ ငါတို့လက်တွေထဲက ဝက်ရဲ့မျက်နှာတွေ
နဲ့ ညီအကိုတွေ မှားခေါ်မိ၊ နှင်းတွေနဲ့ တောက်ပနေတဲ့အခန်းထဲ ဝင်ရအောင်
ရယ်သံတွေနဲ့ပဲ အခန်းက ပြည့်သွားတယ်
ဝန်းဒါးပေါင်မုန့်နဲ့ မရောနိစ်ကို စမ်းသပ်တဲ့အနေနဲ့ ပါးစပ်ထဲ ထည့်ကိုက်လိုက်တာ
တယောက်မှ ခေါ်စရာမလိုပဲ အောင်မြင်သွားတယ်၊
အဲ့ဒါနဲ့ သူ့အဖေ လက်မောင်းပေါ် ချီထားတဲ့ ကလေးရဲ့ နီရဲတဲ့ပါးတွေကို ပွတ်တိုက်ကြစို့
ငါးကလီစာနဲ့ မာဘိုရိုစီးကရက်တွေ စီစဥ်ထားပါ
ဂျွန်ဝိန်းရဲ့ M 16 ရိုင်ဖယ်အောက် အားလုံး ချီးကျူးကြတဲ့ နောက်ထပ်
ဗီယက်နမ်ဟာ မျက်နှာပြင်ပေါ်မှာ လောင်ကျွမ်းသွားတယ်
သူတို့ရဲ့ နားတွေကို တွန်းဖွင့်ကြည့်ရအောင်
မိုက်ကယ်ဂျက်ဆင်ရဲ့ ပိုစတာကို ဆိုဖာပေါ် မဖောက်ခင်အချိန်မှာ
ကတိတည်ပါ
စူပါမားကတ်ထဲ ကပြားမိန်းမက ဘယ်လူဖြူမဆိုပြောတဲ့ သူမနှာခေါင်းက သူ့အဖေနဲ့ တူတယ်ဆိုတာ ယုံဖို့အသင့်
သီချင်းဆိုချင်ဆိုလိမ့်မယ် အတိအကျပြောရရင် သူမရဲ့ ပါးစပ်ထဲမှာ
ခရမ်းချဥ်သီးပုလင်းနဲ့ အပြာရောင် ပါစတာဘူးတွေကြား သူမ မလဲလျောင်းခင်အချိန်
နီရဲနေတဲ့ပန်းသီးက သူမရဲ့ လက်မောင်းပေါ်ကနေ လိမ့်လာပြီး အကျဥ်းထောင်ထဲ ရောက်သွား
သူမယောကျာ်းက ထိုင်ပြီး လကို ကြည့်ရင်း ဒါက နောက်ဆုံး ဝေဖာဆိုတာ သတိထားမိတဲ့တိုင်အောင်
ဘုရားသခင်က သူ့ကို ငြင်းဆန်လိမ့်မယ် အဲ့ဒါက သူ့မေးရိုးကို အနမ်းတစ်ချက်လို လာလာထိခိုက်ကြတယ်
ငါတို့ဟာ အခြားတယောက်ကို ဘယ်လိုပေးရမလဲဆိုတာ မေ့သွားကြတယ်
ရှူးရှူးဒိုင်းဒိုင်းနဲ့ ၁၉၆၈ ခုနှစ်ကို ပြန်ရောက်သွားတယ်
ဟာလောင်းပင်လယ်အော်မှာ ကောင်းကင်က သေဆုံးသွားလို့ ကောင်းကင်ကို မီးနဲ့ အစားထိုးလိုက်တာကို
ကြည့်လိုက်ပါ ၊ အဘိုးကြီးက လယ်တောထဲက ကိုယ်ဝန်ရှိအမျိုးသမီးကို စစ်ဂျစ်ကားနောက်မှာ မုဒိန်းကျင့်တာကို မြင်သွားတဲ့အထိ
သူ့ရဲ့ ရွှေရောင်ဆံပင်က မီးလောင်ဗုံးပစ်ထားတဲ့ လေထဲမှာ လွင့်နေတုန်း
သူမွေးလာမယ့် သားသမီးတွေ ကြီးလာတဲ့အထိ သူ့ကို ဖုန်မှုန့်တွေထဲ နှစ်ထားကြစို့
ဆားနဲ့ အေးဂျန့်အောရိမ်း*ကြောင့် လက်ချောင်းတွေက အနာတွေ ဖြစ်လာတယ်
သံလွင်ရောင်စစ်အင်္ကျီကို ဖြဲကြ၊ သူ့လည်ပင်းမှာ တွဲလွဲကျနေတဲ့ နာမည်ကို ကုပ်ဆွဲထားကြ
သူတို့က အဲ့ဒီနာမည်တွေကို ဘဝ ဘဝ ဘဝဆိုတဲ့ စကားလုံးကို ပြန်လေ့လာဖို့ လျှာမှာ ခတ်နှိပ်ထားကြတယ်
အဲ့ဒါက တခြား ဘာမှတော့ မဟုတ်ဘူး
မျက်မမြင်အမျိုးသမီးက ကျောဘက်က အတောင်ပံကို သူ့သမီးရဲ့ နံရိုးတွေဆီ တပ်ဆင်လိုက်သလိုမျိုး
ငါ့ကို သေနေတဲ့ ပဲစေ့ကို ရစ်ပတ်ခွင့်ပြုပါ
ဟုတ်ပါတယ် ၊ ငါ့ကို ယုံပေးပါ
ငါက ဒီရိုင်ဖယ်ကို ချောချောမောမော ပါးပါးနပ်နပ် မောင်းတင်ပြီး တကယ်ပစ်တတ်ဖို့ မွေးလာခဲ့တဲ့ကောင်ပါ
ချာလီ ... ၊ သရဲတွေရဲ့ခြေလှမ်းလို မိုးရေထဲ ဝေဝါးနေပုံက ငါဟာ ကိုယ့်ကိုယ့်ကို အမြင်နဲ့ ဆုတောင်းတွေကြား နှိမ့်ချထားသလို
ဘာမှ မလှုပ်ရှားနိုင်တော့ဘူး
အေးဂျန့်အောရိမ်း = Agent Orange
(အမေရိကန် ဗီယက်နမ် တိုက်ပွဲတွင် အသုံးပြုခဲ့သည့် Chemical Compound တစ်မျိုး)
Comments
Post a Comment