လမ်းမပေါ်က ဂီတသမားများ

တခါသေပြီးရင် လမ်းပေါ် လမ်းလျှောက်နေတဲ့ 

တစုံတစ်ယောက်ရဲ့ ဘဝထဲကနေ ကိုယ့်စိတ်က ထွက်သွားတယ်

မြင်ရသလောက် တွေ့ရသလောက်ကို ကုတ်အင်္ကျီတစ်ထည်လို ဖြစ်တည်မှုတစ်ခုထဲ ထုပ်ပိုးထားရင်း

သစ်ပင်တွေအောက်က တူညီတဲ့ထောင့်တွေ အသံအနိမ့်အမြင့်တွေ အရိပ်တွေ

တစ်ယောက်ယောက်နဲ့ ဝေးကွာနေတယ်လို့ အမြဲခေါ်တဲ့

အရှိန်မြှင့်ပြီးဖြတ်တိုက်လာတဲ့ ဆင်ခြေဖုံးရပ်ကွက်က လေတိုးသံ

လေလာရာလမ်းကြောင်းမှာ ဆောင်းဦးပေါက်ရာသီကြောင့် အရာရာဟာ ကြွေကျနေ

စည်ပိုင်းထဲက ကိုယ်ပိုင်တဲ့ သိုးမွှေးတွေ ဆုံးရှုံးလိုက်ရပုံဟာ

ထင်ရှားတဲ့မိသားစုက နှင်ထုတ်ခံလိုက်ရသလိုမျိုး

ဒါဟာ ဒီပုံစံအတိုင်း ဖြစ်ခဲ့တယ် ပြီးတော့ ဖြစ်နေတယ် 

တဖက်မှာ တခြားသူတွေ ဘာတွေလုပ်နေလဲ တချက်ကြည့်လိုက်တယ်

ဖွင့်ပြောဖို့က အတိတ်မှာကျန်ခဲ့ပြီ ဒါနဲ့ပဲ သူတို့ တစ်ယောက်နဲ့ တစ်ယောက် မုန်းပြီးမေ့ပစ်လိုက်ကြဖို့ ကြီးပြင်းလာကြတယ်

ဒီလိုနဲ့ ငါသိတဲ့ သာမန်တယောတစ်လက်ကို တီးလိုက်တယ်

အသံညှိဖို့ မေ့တာလေးတစ်ခုက ငြင်းစရာဖြစ်သွားတယ်

ဖြစ်နိုင်ချေရှိတဲ့ အခမဲ့ကြော်ငြာတွေကို ရပ်လိုက်

မှုန်မှိုင်းမှုကို ရှောင်ဖို့ ခုနှစ်က သူကိုယ်တိုင် ပြောင်းလဲလိုက်ပြီး

နိုဝင်ဘာမှာ နေ့ရက်တိုင်း ကွက်လပ်တွေဖြစ်နေပုံက

စာအရပြောရင် အရိုးပေါ် အရေတင်သလိုမျိုး

မူလနေရာတစ်ခုအတွက် ငါတို့ မေးခွန်းတွေ

ငါတို့ ထင်းရှူးတောထဲ ခရီးထွက်ခဲ့ပုံဟာ မီးခိုးတွေလိုမျိုး

တစ်မိုးအောက်ထဲ ရေတွေဟာ အမြဲ စီးဆင်းပြီးတော့ ထွက်သွားကြ

ငါတို့ရဲ့ အမှိုက်တွေ ၊ သုတ်ပိုးတွေနဲ့ နေရာတကာ စွန့်ထုတ်မှုတွေကို လိမ်းကျံခဲ့

ဒီကမ္ဘာမြေပေါ်မှာ ငါတို့ တတ်နိုင်တာတွေ ငါတို့ လုပ်ရမယ်