ဖေဖေ
ဖေဖေက ထပ်မလုပ်တော့ဘူး နောက်ထပ် မလုပ်တော့ဘူးနော်တဲ့
သမီး နေထိုင်နေရတာ အမည်းရောင်ရှူးဖိနပ်ထဲက ခြေဖဝါးတစ်ခုလိုပဲ
နှစ်သုံးဆယ်ကြာ ဆင်းဆင်းရဲရဲ ဖြူစုတ်စုတ်နဲ့နေခဲ့ရပြီးတာတောင်
နှာချေဖို့သာသာ အသက်ရှူဖို့တောင် အနိုင်နိုင်ရယ်
ဖေဖေ၊ ဖေဖေ့ကို သတ်မှဖြစ်မယ်
သမီး သတ်ဖို့အချိန်မရသေးခင် ဖေဖေက သေသွားပြီ
စကျင်ကျောက်တွေနဲ့ လုပ်ထားပြီး လေးလံတဲ့ ဘုရားတွေက အိတ်နဲ့အပြည့်
မီးခိုးရောင် ခြေချောင်းတစ်ချောင်းနဲ့ ကြောက်စရာရုပ်တုကြီးက
ဆန်ဖရန်စစ်စကိုက ပင်လယ်ဖျံလောက် ကြီးမားလာ
ထူးခြားတဲ့ အတ္တလန္တိတ်ထဲ ခေါင်းကမြုပ်
လှပတဲ့နော့ဆတ်ရေပြာပြာထဲ ပဲစိမ်းတွေကို သွန်ချ
ဖေဖေပြန်နေကောင်းဖို့ ဆုတောင်းခဲ့ပါတယ်
အို ဘုရားသခင်
ဂျာမန်တွေပြောစကားအရ ပေါလစ်ရှ်မြို့ထဲမှာ
စစ်ပွဲတွေ စစ်ပွဲတွေ စစ်ပွဲတွေကြောင့်
ဒလိမ့်တုံးနဲ့လှိမ့်ပြီး ခြစ်ချခံရသလိုမျိုး
ပိုလန်က သူငယ်ချင်းတွေပြောသလိုဆို
မြို့နာမည်က တူနေတာ
အဲ့ဒီမှာ တစ်ဒါဇင်မက နှစ်ဒါဇင်လောက် ရှိတာ
ဒီလိုဆို သမီး ဖေဖေအခြေချတဲ့နေရာ
အမြစ်စတွယ်ခဲ့တဲ့နေရာကို ဘယ်တော့မှ မပြောတော့ဘူး
လျှာက မေးရိုးထဲမှာပဲ ငြိနေ
ငြိနေပုံက သံဆူးထောင်ချောက်မှာ ငြိနေသလိုမျိုး
အား အား အား အား
စကားတောင် ပြောဖို့ သမီး အတော်အားယူနေရ
ဂျာမန်တိုင်းကို ဖေဖေလို့ထင်ခဲ့
ဒီဘာသာစကားကလဲ ညစ်ညမ်းမှုတွေအပြည့်ပဲ
အင်ဂျင်တစ်လုံး အဲ့ဒီအင်ဂျင်တစ်လုံးက
တဖြည်းဖြည်းချင်း သမီးကို ဂျူးတစ်ယောက်လိုဖြစ်သွားစေတယ်
ဒါချူး အော့ဝစ်ချ်ဇ် ဘယ်လ်ဆန်ကို သွားမယ့် ဂျူးတစ်ယောက်လိုမျိုး
ဂျူးတစ်ယောက်လို စကားဆိုတတ်လာတော့
သမီး ကိုယ့်ကိုယ်ကို ဂျူးတစ်ယောက်လို့ထင်ယောင်လာ
တိုင်ရိုက နှင်းတွေနဲ့ ဗီယင်နာက ဘီယာကြည်တစ်ခွက်တို့က
မသန့်စင်တော့ဘူး မစစ်မှန်တော့ဘူး
သမီးရဲ့ ဂျစ်ပစီဘွားအေကြီးနဲ့ သမီးရဲ့ ဆန်းကြယ်တဲ့ကံတရား
နောက်ပြီး သမီးရဲ့ တားရော့ကတ်ထုပ်နဲ့ တားရော့ကတ်ထုပ်
သမီးက ဂျူးတစ်ပိုင်းဖြစ်လာ
သမီး အမြဲတမ်း ဖေဖေ့ကို ကြောက်နေခဲ့မိတယ်
ဖေဖေရဲ့ လေတပ် ပြီးတော့ ဖေဖေရဲ့ လောကွတ်စကားတွေ
နောက် ဖေဖေ့ရဲ့ သပ်ရပ်တဲ့နှုတ်ခမ်းမွှေး
တောက်ပပြာလဲ့နေတဲ့ ဖေဖေ့ရဲ့ အာယန်မျက်လုံးတွေ
အို ဖေဖေဟာ တင့်ကားလို လူသား တင့်ကားလို လူသား
ဘုရားသခင်မဟုတ်တဲ့ စကြာပုံအမှတ်အသားတစ်ခု
ပိန်းပိတ်အောင်မှောင်လွန်းလို့ ကောင်းကင်တောင် စကားဖွင့်ဟမဆိုရဲ
မိန်းမတိုင်းက ဖက်ဆစ်ဝါဒီသမားကို မြတ်နိုးသတဲ့
မှုန်ကုပ်ကုပ်နဲ့ တိရစ္ဆာန်လို ရက်စက်တဲ့သူ
ဖေဖေဟာ အသည်းနှလုံးမရှိတဲ့ ရက်စက်တဲ့လူကြမ်းကြီး
ဖေဖေက ကျောက်သင်ပုန်းနားမှာ ရပ်နေတယ်
သမီးဆီမှာရှိတဲ့ ဖေဖေ့ပုံလေးထဲမှာ
ခြေထောက်အစား မေးနှစ်ခွလေး
ဒါပေမယ့် မိစ္ဆာထက်တော့ နည်းနည်းမှမလျော့
လူမည်းကြီးတစ်ယောက်ထက်တော့ မလျော့ပါဘူး
သမီးရဲ့ နီနီရဲရဲ နှလုံးသားလှလှကို နှစ်ခြမ်းဖြစ်အောင် ခွဲခဲ့သူ တစ်ယောက်အနေနဲ့ပေါ့
သူတို့ ဖေဖေ့ကို သင်္ဂြိုလ်လိုက်တုန်းက သမီးအသက်က ဆယ်နှစ်
အသက်နှစ်ဆယ်ရောက်တဲ့အချိန်မှာ သမီး သေဖို့ကြိုးစားမိပေမယ့်
ဖေဖေ့ဆီပဲ ပြန် ပြန် ပြန်ရောက်သွားတယ်
အရိုးဆွေးတဲ့ထိ ဒီလိုပဲဖြစ်နေမယ်ထင်ရဲ့
ဒါပေမယ့် သူတို့က သမီးကို အိတ်ထဲကနေဆွဲထုတ်
ပြီးတော့ သူတို့က သမီးကို ကော်နဲ့သုတ်
အဲ့ဒီအခါ သမီး ဘာလုပ်ရမလဲ သိသွားပြီ
သမီး ဖေဖေ့ပုံစံတူတစ်ခု ဖန်တီးခဲ့တယ်
ဟစ်တလာလိုပုံစံမျိုးနဲ့ လူမည်းတစ်ယောက်ပေါ့
ပြီးတော့ နှိပ်စက်ညှင်းပန်းတဲ့ကိရိယာတွေကို ချစ်တဲ့စိတ်နဲ့
နောက်တော့ "အင်း" လို့ သမီး သဘောတူခဲ့တယ်
ဖေဖေရယ် နောက်ဆုံးတော့လည်း ပြီးခဲ့ပါပြီ
အနက်ရောင်တယ်လီဖုန်းတစ်လုံး ကြိုးပြတ်သွားတော့
စကားသံတွေထွက်လာဖို့ မဖြစ်နိုင်တော့
သမီး ယောကျာ်းတစ်ယောက်ကို သတ်ခဲ့မိရင် နှစ်ယောက်ဖြစ်မယ်ထင်တယ်
သွေးစုတ်ဖုတ်ကောင်တစ်ကောင်က သူ့ကိုယ်သူ ဖေဖေလို့ပြောပြီး
သမီးရဲ့ သွေးကို တစ်နှစ်ကျော်ကြာ စုပ်ယူခဲ့
တကယ်တမ်းတော့ ခုနစ်နှစ်ပါ ဖေဖေများ သိချင်လေမလားလို့
ဖေဖေ အခုတော့ အိပ်စက်လဲလျောင်းလို့ ရပါပြီ
ဖေဖေရဲ့ မည်းညစ်တဲ့ နှလုံးသားထဲ ရိုက်သွင်းခဲ့လို့
ရွာသားတွေက ဖေဖေ့ကို ဘယ်တော့မှ မကျေနပ်ကြဘူး
သူတို့ဝိုင်းဖွဲ့ကကြရင်း ဖေဖေ့ကို တံဆိပ်ခတ်နှိပ်လိုက်ကြတယ်
သူတို့က ဒါက ဖေဖေပဲဆိုတာ အမြဲသိနေမှာပါ
ဖေဖေ ဖေဖေ အယုတ်တမာကြီး သမီးတို့ ပြတ်ပြီ
Comments
Post a Comment