အချစ် ရောက်လာတဲ့အခါ
အချစ်က ဘာနဲ့တူလဲဆိုတာ ၇ တန်းမှာ ငါအတိအကျသိခဲ့တယ်
ငါက အချစ်နဲ့ အခုထိ မဆုံစည်းခဲ့ပေမယ့်
ငါ သူ့ကို ပထမဆုံးအကြိမ် လှည့်ကြည့်လိုက်တာကို သတိရခဲ့တုန်းက အချစ်က ငါ့အိမ်ခန်းထဲမှာ လှည့်ပတ်နေတယ်
အချစ်က လျှော်လည်ဆွဲတစ်ကုံး ဝတ်ထားတယ်
ငါ သူမကို ပထမဆုံးအကြိမ် လှည့်ကြည့်လိုက်တာကို သတိရခဲ့တုန်းက အချစ်က ခပ်ကျစ်ကျစ် ပြင်သစ်ကျစ်ဆံမြီးကို စည်းထားတယ်
အချစ်က အကွန်းစတစ် ဂစ်တာတီးပြတယ်
နောက်ပြီး အချစ်က ငါကြိုက်တဲ့ ဘီတဲလ်သီချင်းတွေကို အကုန်သိနေတယ်
အချစ်က ငါနဲ့ ဘတ်စ်ကားအတူစီးရမှာ မကြောက်ဘူး
နောက် ငါရှာတဲ့ စာသင်ခန်းက မှားနေတာကို သိလိုက်ချိန်မှာ စင်္ကြံလမ်းကလည်း မှားနေတာကို သိလိုက်တယ်
သူမက အဲ့ဒီမှာရှိနေတော့ ငါ မှားနေတာ ပိုသေချာသွားတယ်
ငါ သူ့ကို ရှာနိုင်ဖို့ပဲလေ
ဒါပေမယ့် နောက်ဆုံး အချစ်ကို ပြလိုက်ချိန်မှာ သူမက ဆံပင်ကုတ်ဝဲဖြစ်သွားပြီ
သူကလည်း တစ်ပတ်လုံး ဒီအဝတ်အစားပဲ ဝတ်ပြတယ်
အချစ်က ဘတ်စ်ကားစီးရတာ မုန်းသွားပြီ
အချစ်က ဘီတဲလ်နဲ့ ပတ်သတ်လို့ ဘာမှမသိတော့ဘူး
အချိန်တိုင်း အချစ်ကို နမ်းရမယ့်အစား ငါတို့သွားတွေက လမ်းပိတ်ထားကြတယ်
ငါ့မိဘတွေကို ငါ လိမ်ဖို့အတွက် အချစ်က အကြောင်းပြချက်ဖြစ်လာတယ်
ငါ ဘန်ရဲ့အိမ်မှာ သွားနေလိုက်တယ်
အချစ်က ကပွဲကြမ်းပြင်ပေါ်က ကြောက်စရာစည်းချက်တွေလိုပဲဆိုပေမယ့် ဘယ်တော့မှ ငါတို့ သီချင်းအနှေးတစ်ပုဒ်နဲ့ မလွဲတာ သေချာတယ်
အချစ်က ဖုန်းခေါ်လာတာ စောင့်နေတယ် ဘာလို့လဲဆိုတော့ သူမက သူ့အဖေ ဖုန်းကောက်ကိုင်လိုက်ရင် "ဟယ်လို .. ဟ .. ဟယ်လို ... ဟ ..." လို့ လုပ်နေမှာ သိတယ်
ငါ ခန့်မှန်းပြီး ဖုန်းကောက်ကိုင်လိုက်တယ်
နောက် အချစ်က ကြီးထွားလာတယ်
ထရမ်ပိုလိုင်းတစ်ချပ်လို ယှက်နွယ်ပြီးပေါ့
အချစ်က ပြောင်းလဲသွားတယ်
အချစ်က တဖြည်းဖြည်းနဲ့ ကလေးသွားလေးလို ပျောက်သွားတယ်
ငါ လိုနေတဲ့အပိုင်းကို ဆုံးရှုံးလိုက်ရပြီဆိုတာ ငါ တွေးမိလိုက်ပြီ
အချစ်က လုံးဝပျောက်သွားပြီ
အပျော်တမ်းမျက်လှည့်ဆရာလို အားလုံးက တံခါးနောက်က ထောင်ချောက်ကို မြင်နိုင်ပေမယ့် ငါမမြင်ခဲ့ဘူး
တာယာပြားတစ်ခုလို နောက်ထပ်သွားဖို့စီစဥ်ထားတဲ့ နေရာတွေရှိတယ်
ဒါပေမယ့် ငါ့အစီအစဥ်က အရေးမကြီးခဲ့ဘူး
အချစ်က အဝေးမှာ နှစ်ပေါင်းများစွာ နေထိုင်တယ်
နောက် အချစ်က ပြန်ပေါ်လာတဲ့အခါ ငါ သူ့ကို တော်တော် နားလည်သွားပြီ
အခု အချစ်ရဲ့ ရနံ့က မတူတော့ဘူး
ပိုပြီးနက်မှောင်တဲ့ မျက်လုံးတွေ ပိုပြီးကျယ်တဲ့ ကျောပြင်တွေ ရှိလာတယ်
အချစ်က ငါ မထင်မှတ်ထားဘဲ တင်းတိပ်တွေနဲ့အတူ လာတယ်
မွေးရာပါ အမှတ်အသစ် ပိုပြီးချိုတဲ့အသံတွေ
အခု အိပ်ချိန်တွေ ပြောင်းသွားတယ်
နောက်ထပ်ကြိုက်တဲ့ စာအုပ်အသစ်တွေ
အချစ်က သူ့ကို တစ်စုံတစ်ယောက်က သတိမပေးပဲ သီချင်းတွေဆိုတယ်
သီချင်းတွေကို ချစ်တာ နားထောင်ဖို့ မဟုတ်ဘူး
ငါလည်း အဲ့လိုပဲ လုပ်ခဲ့တယ်
ဒါပေမယ့် ငါတို့နဲ့ အဆင်ပြေတဲ့ ပန်းခြံက ခုံတန်းလျားလေးတစ်လုံးကို ငါတို့တွေ့ခဲ့တယ်
ငါတို့ဟာသတွေလုပ်ရင်း အချင်းချင်း ရယ်ခဲ့ကြတယ်
အခုတော့ အချစ်က ငါ့ကို အိမ်လုပ်ချောကလက်ကွတ်ကီးတစ်ခုလိုမျိုး လန်းဆန်းစေတယ်
(ဒါပေမယ့် အချစ်က အားလုံးအတွက် ညဘက်စားတဲ့သရေစာလိုမျိုးလည်း ပြီးဆုံးသွားနိုင်တယ်)
အချစ်က အမျိုးသမီးညဝတ်အင်္ကျီနဲ့ ကြည့်လို့ကောင်းပေမယ့် အခုထိ ဝတ်နေရတာကြိုက်နေတုန်း
အချစ်က ကားမောင်းညံ့ပေမယ့် သင်္ဘောပဲ့ထိန်းကောင်းတစ်ယောက်ဖြစ်တယ်
အချစ်က သူမ ဘယ်သွားမလဲ သိတယ်
သူမစီစဥ်ထားတာထက် နှစ်နာရီလောက် ပိုကြာကောင်းကြာနိုင်တယ်
အချစ်က အခု ပိုညစ်ပတ်သွားပြီ
အချစ်က ရိုးရှင်းတယ်
အချစ်က ငါ့မိဘရှေ့မှာ ဆိုးရွားတဲ့စကားလုံးတွေ သုံးတယ်
အချစ်က အကျယ်ကြီး ဝါးတယ်
အချစ်က သွားတိုက်ဆေးအဖုံးဖွင့်ပြီး ထွက်သွားတယ်
အချစ်က သူမရဲ့မက်ဆေ့ချ်ထဲ ပြုံးနေတဲ့မျက်နှာပုံစံ အမြဲပို့တယ်
ပြီးတော့ ထွက်သွားတယ်
သောက်ကျိုးနဲ အချစ် ...
အချစ်လည်း ငိုပေမယ့်
အချစ်က မင်းကို မင်းက သိပ်လှတာပဲလို့ ပြောလိမ့်မယ်
အဲ့ဒါကို ထပ်ကာ ထပ်ကာ အဓိပ္ပာယ်ဖော်ပါ
"မင်း သိပ်ကို လှတာပဲ"
မင်း ပထမဆုံး နိုးလာတဲ့အခါ "မင်း သိပ်ကိုလှတာပဲ"
မင်းငိုနေတဲ့အချိန်မှာ "မင်း သိပ်ကိုလှတာပဲ"
မင်း ဒါကို မကြားချင်တဲ့အခါ "မင်း သိပ်ကိုလှတာပဲ"
မင်း ဒါကို မယုံတဲ့အခါ "မင်း သိပ်ကိုလှတာပဲ"
တစ်ယောက်မှ မင်းကို စကားမပြောတဲ့အခါ "မင်း သိပ်ကိုလှတာပဲ"
အချစ်က အခုထိ မင်း သိပ်ကိုလှတာပဲလို့ တွေးနေတုန်းပဲ
ဒါပေမယ့် အချစ်က မပြီးပြည့်စုံဘူး ပြီးတော့ တချိန်ချိန်မှာ မေ့သွားနိုင်တယ်
မင်း ဒါကို သိပ်ကြားချင်လာတဲ့အခါ "မင်း သိပ်ကိုလှတာပဲ"
ဒါကိုမမေ့ပါနဲ့
အချစ်က မင်းမျှော်လင့်သလို မဟုတ်ဘူး
အချစ်က မင်းခန့်မှန်းထားသလို မဟုတ်ဘူး
အစောကြီးကတည်းက အချစ်က နယူးယော့ခ်မှာ အိပ်နေတာလည်း ဖြစ်ချင်ဖြစ်နိုင်တယ်
မင်းက ကယ်လီဖိုးနီးယားမှာ သြစတေးလျမှာ အိပ်ယာကနေ ထကြည့်လိုက်တော့
အချစ်က အမြဲ မတူတဲ့အချိန်တွေမှာ ရှိကောင်းရှိနေနိုင်တယ်
အချစ်က မင်းအတွက် အဆင်သင့် မဖြစ်သေးတာလည်း ဖြစ်ကောင်းဖြစ်နိုင်တယ်
မင်းက ချစ်ဖို့ အဆင်သင့်မဖြစ်သေးတာလည်း ဖြစ်ကောင်းဖြစ်နိုင်တယ်
အချစ်က လက်ထပ်တဲ့ပုံစံမျိုးလောက်ပဲ မဟုတ်တာ ဖြစ်နိုင်တယ်
ကွာရှင်းပြီးအနှစ် ၂၀ ကြာမှလည်း အချစ်ကို တွေ့ချင်တွေ့နိုင်တယ်
အချစ်က အခု ဟောင်းသွားပြီလို့ ထင်ရပေမယ့် သတိရလိုက်တိုင်းမှာ လှနေတာ
အချစ်က အဲ့ဒီမှာ တစ်လလောက်ပဲ ရှိချင်လည်းရှိမယ်
အချစ်က အဲ့ဒီမှာ မီးတောက်လိုပဲ အမြဲရှိချင်ရှိနေမယ်
မွေးနေ့ပွဲတိုင်း ဆေးရုံသွားတိုင်းပေါ့
အချစ်က ရှိနေနိုင်ပါတယ်
အချစ်က မရှိနိုင်တော့တာလည်း ဖြစ်ချင်ဖြစ်နိုင်တယ်
အချစ် မရှိသင့်တော့လည်း ဖြစ်ချင်ဖြစ်နိုင်တယ်
အချစ်က ဒါကို အချစ်လို့ထင်တဲ့အချိန်မှာ အတိအကျရောက်လာပြီး အချစ်ကို လိုအပ်ချိန်မှာ အတိအကျကို ထွက်သွားတယ်
အချစ်ရောက်လာချိန်မှာ အချစ်ကပြောတယ်
မင်္ဂလာပါ ကိုယ့်ကိုယ်ကို သက်တောင့်သက်သာဖြစ်အောင်နေပါ
အချစ်ထွက်သွားချိန်မှာ သူမကို သူမနောက်က တံခါးကို ဖွင့်ထားဖို့ပြောပါ
ဂီတသံကို ပိတ်လိုက်ပြီး တိတ်ဆိတ်ခြင်းရဲ့အသံကို နားထောင်ပါ
ဒီနေရာမှာတင် ရပ်သွားတဲ့အတွက် ကျေးဇူးတင်ပါတယ်လို့ တိုးတိုးလေးပြောလိုက်ပါ
Comments
Post a Comment