တိမ်တိုက်များတွေ့ဆုံခြင်း
ဒါက ငါတို့လိုချင်တဲ့ ဘဝပုံစံမျိုးဖြစ်လိမ့်မယ်
မနက်ခင်းမှာ စတော်ဘယ်ရီရိုင်းနဲ့ ကရင်မ်တွေလို
အခန်းတိုင်းမှာ နေရောင်ခြည်ကျနေ
ဗလာပင်လယ်ပေါ် ငါတို့နှစ်ယောက် လမ်းတွေလျှောက်
ဘယ်လိုပဲဖြစ်ဖြစ် ငါတို့ တချို့ညနေခင်းတွေမှာ ကိုယ့်ကိုယ်ကို ပြန်တွေ့ကြ
နောက်ထပ်ဘာလာမလဲမသိတဲ့ မသေချာမှုတွေနဲ့
မီးပြဇာတ်ထဲက အလွမ်းသမားသရုပ်ဆောင်တွေလို
ငှက်တွေ ငါတို့ခေါင်းပေါ် လှည့်ပတ်ဝဲပျံချိန်မှာ
ခုထိ အနက်ရောင်ထင်းရှူးပင်တွေက ထူးဆန်းစွာရှိနေတုန်း
နေဝင်ချိန် ငါတို့ နင်းတက်ခဲ့တဲ့ ကျောက်ဆောင်တစ်ခုစီမှာ သွေးတွေပေကျံ
သောင်ပြင်ကနေ ငါတို့ ဝိုင်ကို တဖြေးဖြေးသောက်ပြီး ပြန်လာခဲ့
မပျော်ရွှင်ခြင်းအဆုံးသတ်ရဲ့ သဲလွန်စဟာ ဘာကြောင့် အမြဲတမ်းဖြစ်နေတာလဲ
တိမ်တွေဟာ လူတွေလိုပဲ
မိုးကုပ်စက်ဝိုင်းပေါ်မှာ တွေ့ဆုံကြရင်း နားနေကြတာဟာ ချစ်စရာ
လေဟာ ဖြေးဖြေးတိုက်နေသလို ပင်လယ်ဟာလည်း ဒုက္ခမပေး
ကြယ်မစုံတဲ့ညတစ်ညဟာ ငါတို့ပေါ်ကို ရုတ်တရက်ရောက်လာ
ဖယောင်းတိုင်မီးကို ထွန်းပြီး ငါတို့အခန်းထဲထိ ဘာမှမကာပဲ သယ်လာပါ
ပြီးတာနဲ့ မြန်မြန် မီးမှုတ်လိုက်ပါ
ခုထိ အနက်ရောင်ထင်းရှူးပင်နဲ့ မြက်ပင်တွေဟာ ထူးဆန်းစွာ ရှိနေတုန်းပဲ
Comments
Post a Comment