သူအားမငယ်ဖို့

(၁)

သူ တစ်ယောက်တည်း

ဒီအချိန်ဆို ပျင်းနေရော့မယ်

စာအုပ်တွေနဲ့ အဖော်ပြုပါ အားယူပါ

Bunny Phyoe သီချင်းတွေ နားထောင်ပါ

အားငယ်စိတ်တွေဖျောက်ပါ

ပြင်ပဆက်ဆံရေးလည်း ရှိပါစေ ။ ။

(၂)

ဝါသနာနောက်လိုက်ပါ

အောင်မြင်မှုနောက် မလိုက်ပါနဲ့

တစ်ချိန်ချိန်မှာ ပြန်လှည့်ကြည့်ရင်

နောင်တမရအောင် ကြိုးစားပါ

အချစ်ဆိပ်မတက်အောင် နေပါ

အငုံ့စိတ် မထားပါနဲ့

အပျော်မလွန်ပါစေနဲ့ ။ ။

(၃)

ကားလမ်းမကြီးရဲ့ တစ်နေရာကနေ

ဒီစာကို ကျနော်ရေးတယ်

ရှင်သန်နေသမျှ ကာလပတ်လုံး

သူ မျှော်လင့်သမျှ ဖြစ်နိုင်တယ်

သူ ကျန်းမာရေး ဂရုစိုက်ပါ

အိပ်ရေးမပျက်စေနဲ့

ပါးလေးတွေ ဖောင်းနေပါစေ

သူ ဘာကိုမှ မကြောက်ပါလေနဲ့

ခွန်အားတွေကို စာတွေကနေ ရယူပါ

ဖြစ်ပြီးသမျှကို သင်ခန်းစာနဲ့

အတွေ့အကြုံအဖြစ် ပြောင်းပါ ။ ။

(၄)

စိတ်ထဲကနေ ဟိုဟိုဒီဒီ

အများကြီး လျှောက်မတွေးပါနဲ့

စိတ်ညစ်စရာ Stress တွေ ဖယ်ပါ

Relax လုပ်ပါ

ပေါ့ပေါ့ပါးပါးနေပါ ။

သကြားလုံးကြိုက်တဲ့ ကလေး

စာအုပ်ကြိုက်တဲ့ ကလေး

သီချင်းကြိုက်တဲ့ ကလေး

ကလေး ကလေး

ကြည်နူးစရာကလေးပေါ့ ။

ဖြစ်ရပ်တိုင်းမှာ

အကောင်းဆုံး နေထိုင်ပါ

ကိုယ် ပျော်မယ်ထင်တာတွေကို

သတိလေးနဲ့ ချိန်ထိုးစဉ်းစားပါ ။

ကိုယ်ကြိုက်တဲ့

မင်းခိုက်စိုးစန်ရဲ့

မော်ဒန် ကဗျာတွေထဲကလို

မင်းကိုယ် မင်း ဂရုစိုက်တာဟာ

ကိုယ့်ကို ချစ်ရာရောက်ပါတယ် ။ ။

(၅)

ဘုရားတရား ရိုသေကိုင်းရှိုင်းပါ

မတည့်တဲ့အစားအစာတွေ ရှောင်ပါ

ကိုယ်စိတ်နှလုံး သုံးပါးစလုံးမှာ

မြန်မာဆန်ပါ ။

အတတ်နိုင်ဆုံး

ဘယ်အရာကိုမှ သိပ်မခံစားပါနဲ့

ပေါ့ပျက်ပျက်လည်း မနေပါနဲ့

အရာရာကို စိတ်ပါလက်ပါ

အလေးထားပါ ။

ကိုယ် ရင်ထဲကနေ ထွက်ကျလာတဲ့

စကားလုံး အစီအရီလေးတွေကို

ဒီလို တခုတ်တရ ဖတ်ပေးလို့

ဝမ်းသာပီတိဖြစ်မိတယ်

နောင်လည်း ဆက်ရေးနေဦးမယ် ။ ။

(၆)

Need နဲ့ Essential

ကွဲကွဲပြားပြား သိပါစေ

Dream နဲ့ Reality

ထပ်တူကျပါစေ

အတ္တနဲ့ ပရ မျှပါစေ ။

Self Acceptance ရှိပြီးသားသူ

တစ်ယောက်အနေနဲ့

Self Confident ရှိအောင်လည်း

ကြိုးစားပါ

Over Confident လည်း

မဖြစ်ပါစေနဲ့ ။

တစ်နေ့ကို အနည်းဆုံး

စာအုပ်တစ်အုပ် ဖတ်ပါ

စာတစ်ခါ ဖတ်ပြီးတိုင်း

၁၀ မိနစ် အနားပေးပါ

သက်တောင့်သက်သာ ရှိပါစေ ။ ။

(၇)

သူ အမြဲ Active ဖြစ်ပါစေ

သူ အမြဲ ထက်မြက်ပါစေ ။

မင်းပျော်ရွှင်ဖို့အတွက် ရယ်ရတဲ့

Joker တစ်ကောင် ငါ ဖြစ်ပါရစေ ။

အလုပ်လုပ်ရင်

အလှမ်းကျယ် အလယ်လတ်

မဖြစ်ပါစေနဲ့ ။

ဘယ်သူ ဘာလုပ်လုပ် မလုပ်လုပ်

ကိုယ့်ကိုယ်ကိုပဲ ပြန်ဆင်ခြင်ပါ မြတ်

မနေ့က ကိုယ်နဲ့

ဒီနေ့ ကိုယ် ပြန်ပြိုင်ပါ ။

ကိုယ် လုပ်ခဲ့တာတွေ ကူညီခဲ့တာတွေကို

အမြဲ ဂုဏ်ယူတတ်ပါစေ

နာမည်မယူမိပါစေနဲ့ မြတ် ။ ။

(၈)

မုန်းပစ်ဖို့ မေ့ပစ်ဖို့ ကြိုးစားခဲ့ကြဖူးပေမယ့်

မသိစိတ်များမှာ ချစ်သောစိတ်များက

အတူ ကပ်ပါလာခဲ့တယ် ။

ရင်းနှီးမှု အတင်းအကျပ် လုပ်ယူဖို့

ကြိုးစားခဲ့ဖူးတာ

ကိုယ် ရိုးသားစွာ ဝန်ခံတယ်

သို့သော် …

သူရဲ့ သာမန်အသိအမှတ်ပြုမှုလေး တစ်ခုမှာပဲ

တရှိုက်မတ်မတ်နဲ့ ကိုယ်ဟာကျဆုံးတယ် ။

ပြတ်သားမှုတစ်ခုဟာ

ရင်းနှီးစွာ ဆက်ဆံရေးမှာ

အဓိက ကျတယ် ။

အချိန်တစ်ခု ပေးထားခဲ့ခြင်းဟာ

သူ လွတ်လပ်စွာ ပျံသန်းစေဖို့ဖြစ်တယ်

ချစ်နေတယ်ဆိုတာလေး

သူသိသွားရုံတင်

ကမ္ဘာတစ်ခုလုံးကို ကိုယ်ပိုင်တယ် ။ ။

(၉)

ကိစ္စတစ်ခုကို

အတွင်းကျကျမသိသူများရဲ့

အပြောတစ်ခုအောက်မှာ

ကိုယ်ဟာ

ရက်စက်တဲ့လူ တစ်ယောက်

ဖြစ်မှန်းမသိ ဖြစ်သွားခဲ့တယ် ။ ။

(၁၀)

ထင်းရှုးရယ်

လာဗင်ဒါပန်းခင်းကြီးရယ်

ပန်းနှမ်းခင်းကြီးရယ်

တောင်တန်းကြီးတွေနဲ့အတူ

ကလောမြို့ကြီးရယ်

ဖြစ်မလာသေးတဲ့ စိတ်ကူးယဉ်ဆန်ဆဲ

ဝိုးတဝါး ကိုယ့်အိပ်မက်တွေရယ် … ။ ။

မင်းသော်စိုး